भारतको एक अनौठो गाउँ, जहाँ महिलाले लुगा लगाउँदैनन् ! तपाईँले धेरै अनौठो गाउँ र तिनीहरूको परम्पराको बारेमा सुन्नुभएको होला। तर भारतमा यस्तो...

 

भारतको एक अनौठो गाउँ, जहाँ महिलाले लुगा लगाउँदैनन् !

तपाईँले धेरै अनौठो गाउँ र तिनीहरूको परम्पराको बारेमा सुन्नुभएको होला। तर भारतमा यस्तो अनौठो गाउँ छ, त्यो सुन्दा तपाई छक्क पर्नुहुनेछ।

यो एउटा यस्तो गाउँ हो जहाँ महिलाले लुगा लगाउँदैनन्। महिलाले कहिल्यै लगाउँदैनन् भन्ने भने होइन। वर्षमा ५ दिन यस्ता दिन हुन्छन् जसमा महिलाले लुगा लगाउँदैनन्। अब तपाईँलाई लाग्न सक्छ, के महिलाहरू लुगाबिनै बाहिर घुम्लान् ? यो गाउँ कहाँ होला ?

कहाँ हो त्यो गाउँ ?
त्यो हिमाचल प्रदेशको मणिकर्ण उपत्यकाको पिनी नामक गाउँ हो। वर्षमा ५ दिनसम्म लुगा नलगाउनु त्यहाँको शताब्दीयौंदेखि चलिआएको परम्परा हो।

यी पाँच दिन पिनी गाउँमा बाहिरका मानिस आउन पाउँदैनन्। यो प्रथा शताब्दीयौंदेखि चलिआएको छ। त्यहाँका जनताले पनि लुगा नलगाई यो संस्कृतिको कडाइका साथ पालना गर्छन्।

महिलाहरू कपडा बिना बाहिर घुम्लान् ?

महिलाहरू लुगा नलगाउने पाँच दिन घरमै बस्छन्। घरबाट बाहिर निस्कँदैनन्। किनकि यस्तो अवस्थामा मानिसले देख्न पाउँदैन।

यो समयमा महिला मात्र होइन पुरुषले पनि केही नियम पालना गर्छन्। जसरी उनीहरू न रक्सी पिउन पाउँछन् न त मांसाहारी भोजन नै।

यति मात्र होइन, यी पाँच दिनमा श्रीमान्–श्रीमती एक–अर्कासँग कुरा पनि गर्दैनन्। श्रीमान्ले श्रीमतीलाई हेर्न पाउँछन्। अरूले भने कुनै महिलालाई हेर्न पाउँदैनन्।

किन यो परम्परालाई पछ्याइरहेका छन् ?

गाउँलेहरूका अनुसार यो परम्परा पालना नगरे केही दिनपछि महिलालाई केही नराम्रो हुन्छ। यो अभ्यासमा श्रीमान् श्रीमती एक अर्कालाई देखेर हाँस्न पनि सक्दैनन्। यो परम्परा पुरुषले पनि पालना गर्नु अनिवार्य छ।

गाउँलेहरूका अनुसार यदि कुनै पुरुषले यो परम्परा पालना नगरेमा देवताहरू क्रोधित हुन्छन्। त्यस व्यक्तिलाई केही नराम्रो हुन्छ भन्ने विश्वास छ।

परम्पराको इतिहास

परम्पराको इतिहास रोचक छ। गाउँलेहरूका अनुसार शताब्दीयौंअघि उनीहरूको गाउँ दानवले ओगटेको थियो। दानवहरूले गाउँका विवाहित महिलाहरूलाई सुन्दर लुगा लगाएर लैजान्थे।

गाउँलेहरूलाई दानवहरूबाट बचाउन ‘लहुआ घोण्ड’ नामक देवता प्रकट भए। देवताले राक्षसहरूलाई परास्त गरे। अहिले महिलाले राम्रा लुगा लगाएको खण्डमा आजका दिनमा पनि भूतले उठाएर लैजान्छ। त्यसैले महिलाहरू लुगाबिना बाँच्न सक्छन् भन्ने गाउँले विश्वास गर्छन्।

यसैले वर्षमा पाँच दिन उनीहरू कपडा लगाउँदैनन्। त्यो समयमा यदि कुनै महिलाले आफ्नो शरीर ढाक्न चाहन्छन् भने, उनी ऊनले बनेको कपडा प्रयोग गर्न सक्छिन्। यद्यपि पछिल्लो समयमा आधुनिकतासँगै गाउँमा यो परम्पराको पालनामा केही कमी आएको छ ।